Beynəlxalq hüquq üzrə professor, Beynəlxalq Avrasiya Mətbuat Fondunun BMT-nin Cenevrə ofisindəki nümayəndəsi, İnsan Hüquqları üzrə Alt Komissiyanın keçmiş üzvü Osman Əl-Həcc sentyabrın 15-də vəfat edib.
Ednews xəbər verir ki, bununla bağlı Beynəlxalq Avrasiya Mətbuat Fondunun prezidenti Umud Mirzəyev professor Osman Əl-Həccin yaxınlarına, doğmalarına başsağlığı verib.
Onun sözlərinə görə, BAMF uzun illər əməkdaşlıq etiyi dəyərli bir şəxsi, ziyalını itirdi:
"Ailəsinə, onu sevənlərə dərin hüznlə başsağlı verirəm. Allah rəhmət eləsin".
Qeyd edək ki, Osman Əl-Həcc Cenevrə Universitetinin Beynəlxalq Hüquq üzrə doktoru olub və Cenevrədə beynəlxalq münasibətlər üzrə ali təhsil alıb. Əvvəllər Livanda, Tripolidə Jinan Universitetində professor kimi çalışıb və Universitetin İnsan hüquqları Mərkəzinin prezidenti olub. Bundan əlavə, professor Əl-Həcc 1994-cü ildən 1997-ci ilə qədər BMT-nin ayrı-seçkiliyə qarşı və azlıqların müdafiəsi üzrə alt Komissiyasının məruzəçisi kimi fəaliyyət göstərib. 2009-cu ildən 2015-ci ilə qədər İnsan Hüquqları Şurasının məcburi köçkünlərin hüquqları üzrə İşçi Qrupun müavini vəzifəsində çalışıb.
Xatırladaq ki, 2020-ci ildə Beynəlxalq Avrasiya Mətbuat Fondu (BAMF) rəsmi olaraq BMT-nin İsveçrənin Cenevrə şəhərindəki nümayəndəsi Osman Əl-Həcci təyin etmişdir.
Oğuz
