“İndiyə qədər keçirdiyimiz seçkilərdə vəzifəmizin öhdəsindən gəlmişik. Hər şey qanunvericiliyin tələbinə uyğun şəkildə qurulub. Seçki şəffaf keçirilməlidir. Bizim keçirdiyimiz seçkilərlə bağlı təqdim etdiyimiz rəqəmlər beynəlxalq müstəvidə şəffaflığına görə təəccüb doğurub”.
Ednews xəbər verir ki, bunu Mərkəzi Seçki Komissiyasının sədri Məzahir Pənahov bu gün dairə seçki komissiyalarının sədrləri üçün keçirilən müşavirədə deyib.
Sədr yerli müşahidəçilərlə bağlı problemin olmadığını deyib:
"Hüququ olan şəxslər müşahidəçi ola bilərlər. Qeyri-hökumət təşkilatlarına və beynəlxalq müşahidəçilərə qapımız açıqdır".