Polis əməkdaşlarının yanvarın 7-də respublika ərazisində keçirdikləri əməliyyat tədbirləri nəticəsində ümumi çəkisi 35 kiloqram olan narkotik vasitə, həmçinin 335 ədəd güclü təsiredici və narkotik tərkibli həb aşkar olunaraq götürülüb.
Daxili İşlər Nazirliyinin mətbuat xidmətindən Ednews-a bildirilib ki, qanunsuz dövriyyədən çıxarılan narkotik vasitələr – 777 qram heroin, 34 kiloqram 142 qram marixuana, 43 qram tiryək, 36 qram metamfetamin, həmçinin 205 ədəd metadon və 130 ədəd narkotik tərkibli həb olub.
Qeyd olunub ki, bu istiqamətdə qətiyyətli mübarizə tədbirləri davam etdirilir.
