"Uşaqpulu vermirik, ancaq uşaqdan, avtobusdan, metro pulu alırıq! Hansı əsasla orta məktəblidən avtobusa mindiyi üçün pul almalıyıq?". Bu fikirləri Bütöv Azərbaycan Xalq Cəbhəsi Partiyasının təşkilatı məsələlər üzrə müavini Niyaməddin Orduxanlı öz feysbuk səhvəsində paylaşıb.

Bu barədə Ednews-a açıqlamasında sosioloq Lalə Mehralı bildirdi ki, doğru və haqlı fikirdir. Əvvəl təmin etməli, sonra tələb etməli. Uşağın doğulmasında, böyüməsində, təhsilində, sağlamlığında dövlət dəstəyi hiss etməliyik ki həm demoqrafiq artıma marağımız olsun, həm də dövlətin çətin anda öz vətəndaşına sahib çıxacağından əmin olmalıyıq:

"Uzaq yol qət edib, 2 avtobus-metro dəyişib məktəbə gedən uşaqlar var, valideynin biri aparıb-gətirməli olur uşağı, hesablayın günə nə qədər yol xərci tələb olunur? Bütün avtobuslara yazıb yapışdırıblar 7 yaşdan sonra uşaqlara gediş haqı ödənməlidir. Məktəbə gedən ildən yəni. Əksinə, məktəbə gedənə güzəşt edilməlidir. Dünyanın çox ölkəsində var məktəbli kartları, onlar ya pulsuz minirlər, ya da güzəştli qiymətlərlə ödəyirlər yolhaqqını.

Məktəblərdə dərs keçilmir, valideynin pulu olmasa hardan alacaq övladı təhsili? Repetitor köməyi olmadan universitetə girmir uşaqlar, uşaqpulu ödənmir, valideyn öz əməyi ilə ödəyir təhsil xərclərini. Dövlət uşaqpulu məsələsində çox şeyi nəzərə almalıdır, sağlamlıq, təhsil, qida, geyim kimi vacib və təxirəsalınmaz xərcləri var uşaqların. Bir az dövlət dəstəyi hamı üçün faydalıdır".

Oğuz