"Donmuş uşaq iki gün sonra məsciddə dirildi".

Ednews xəbər verir ki, bu sözləri Xocalı faciəsinin şahidi, polkovnik Əsəd Fərəcov söyləyib.

"Mən bu əhvalatı Leyla xanım Əliyevaya danışanda o, eşitdiklərindən dəhşətə gəldi. Sizə hər birimizi sarsıldan bir hadisədən danışım. Mərhum jurnalist Çingiz Mustafayevlə birlikdə Xocalıda olarkən, ona və digər jurnalistlərə, gəlin, bu uşaqların meyitlərini burada qoymayaq dedim. Çünki ermənilər bura gəlib, bu meyitləri təhqir edəcəkdilər. Meyitləri toplamağa başlayanda bir uşağın anasının qucağında donmuş vəziyyətdə gördüm. Anasını ondan ayırıb uşağı götürdüm. Helikopter ilə meyitləri Ağdama gətirdiyimizdə hamımız çox pis vəziyyətdə idik. Uşaqları yumaq üçün Ağdam məscidinə apardılar. Uşağın üzərinə su tökən kimi uşaq ayıldı. 
Düşünəndə ki, bu uşaq neçə gün orada, anasının qoynunda qalaraq, həyatına davam edirirmiş. Anasının ölümündən xəbərsiz".

Qeyd edək ki, həmsöhbətimiz faciədən yalnız bir gün sonra Xocalıya gedırək erməni vəhşiliyinin dünyaya car çəkilməsində əvəzsiz rol oynayıb.

Əkbər Novruz