Martın 7-də Beynəlxalq Avrasiya Mətbuat Fondunun (BAMF) Tərtər Regional Peşə Təlim Mərkəzində “8 Mart Beynəlxalq Qadınlar Günü” münasibəti ilə qadın minaaxtaranlar komandası ilə görüş keçirilib.

Ednews xəbər verir ki, tədbiri giriş sözü ilə açan Umud Mirzəyev qonaqları salamlayıb və zərif cinsin nümayəndələrini 8 Mart münasibəti ilə təbrik edib. 

U.Mirzəyev bildirdib ki, Azərbaycan qadını anadır, təhsildə müəllim, səhiyyədə həkimdir:

"Bu günləri isə qadınlarımız Böyük Qayıdış prosesinə dəstək göstərir, əzmkarlıqla çalışırlar. Minaaxtaran qadınların böyük əksəriyyəti məcburi köçkündürlər, ürəklərində isə vətən sevgisi olan insanlardır".

Daha sonra Azərbaycan Respublikasının Minatəmizləmə Agentliyinin (ANAMA) İdarə Heyətinin sədri Vüqar Süleymanov tədbirə onlayn qoşularaq xanımları “8 Mart Beynəlxalq Qadınlar Günü” münasibətilə təbrik edib. Torpaqlarımızın yenidən çiçəklənməsində, təhlükəsiz yaşam mühitinin yaradılması istiqamətində fəaliiyyətlərində uğurlar arzulayıb. 

“Sülhün Kökləri” təşkilatının qurucusu Haydi Kün tədbirə onlyan qolşularaq dünya qadınlarını 8 Mart münasibətilə səmimi qəlbdən təbrik edib. O cümlədən qadın minaaxtaranlar komandasına işlərində uğurlar diləyib.

Tədbirdə Minalar üzrə Məsləhət Qrupunun (MAG) texniki sahə meneceri, beynəlxalq təlimatçı Cabar Fatih, eləcə də BAMF-ın əməliyyat heyəti iştirak edib. 

Xatırladaq ki, Qadın minaaxtaranlar layihəsi Beynəlxalq Avrasiya Mətbuat Fondu (BAMF) tərəfindən Avropa İttifaqı (Aİ) və ABŞ Dövlət Departamentinin maliyyə dəstəyi, BMT-nin İnkişaf Proqramının (UNDP), Azərbaycan Respublikası Minatəmizləmə Agentliyinin (ANAMA) vasitəçiliyi və Minalar üzrə Məsləhət Qrupu (MAG) ilə birgə həyata keçirilir.

Oğuz