“Xatırlayıram ki, hardasa iki il bundan əvvəl Umud müəlim mənə dedi ki, son dərəcə maraqlı bir kitab var ki, biz onu nəşr etmək istəyirik. Məlum oldu ki, o sizin kitabdır. Bu kitabın tərcümə olunmasının böyük əhəmiyyəti var”.
Ednews xəbər verir ki, bu sözləri Beynəlxalq Avrasiya Mətbuat Fondunun Prezidenti Umud Mirzəyevin təşəbbüsü ilə BAMF-ın baş ofisində, Nobel Sülh Mükafatı Laureatı, professor Məhəmməd Yunus ilə keçirilən görüş zamanı Azərbaycan şairi, tərcüməçi, publisist, Azərbaycan Yazıçılar Birliyinin üzvü, Vaqif bəhmənli deyib:
“Mən dünyanın böyük şəxsiyyətləri tərəfindən yazılmış kitablar içərisində ən sevdiyim kitab o kitabdır. Hətta, mən o kitabı Mahatma Qandinin “Dünya insanları hamısı qardaşdır” kitabı ilə müqayisə edirəm. Amma, bu kitab daha çox həyati təcrübəyə həsr olunub. Bu kitab həyatı nə qədər əks etdirə bilərsə, bu kitab da o qədər edir.
Hazırda dünyanın ən böyük problemlərindən biri əlbəttə ki, yoxsulluğun aradan qaldırılmasıdır. Siz bu kitabda həmin məsələyə toxunmusunuz. İnsanlara bundan böyük bir bəxşiş ola bilməz. Siz insanlara ümid verdiniz və sübut etdiniz ki, insanlar öz-özlərini yaşada bilər. Azərbaycanda bir deyim var, Allah deyib: “səndən hərəkət, məndə bərəkət”.
Qarabağda Ermənistan heç nə qoymayıb. Yəni bizim o ərazini tamamilə yeniləməkdən başqa şansımız yoxdur. Hətta, Xankəndiyə “ruhlar şəhəri” adı verdilər. Çünki, şəhər tamamilə dağıdılmışdı və geriyə heç bir infrastruktur qalmamışdı”.
Fərid