Son bir neçə gündə mina hadisələri yenidən baş verdi. Ağdam, Şuşa, Naxçıvan və Qazaxda mina hadisələri qeydə alınıb və bir nəfər həlak olub. Azərbaycanın mina problemi niyə beynəlxalq müstəvidə müzakirə olunmur? Bundan başqa son zamanlar Ermənistanla olan münasibətdə müsbət dinamika müşahidə olunur. Ermənistan tərəfi mina xəritələrini bizə niyə təqdim etmir ? Əgər sülhdən danışılırsa niyə mina məsələsi həllini tapmır və can almaqda davam edir.

Gündəm mövzusu ilə bağlı Ednews-a danışan hərbi ekspert Elxan Şıxəliyev bildirdi ki, Azərbaycan tərəfindən mina təmizləmə əməliyyatlarına cəlb olunan qurumlar var. Bu qurumlar bütün əraziləri təmizlədikdən sonra həmin təmizlənən ərazilər sənədləşdiriləcək: 

“Dərinliklərdə elə yer ola bilər ki, təmizləmədən 5-10 il sonra bu ərazilərdə vətəndaşlarımız və ya dövlət qurumunun nümayəndələri mina hadisələri ilə qarşılaşsın. Təmizləmə əməliyyatları düşünmürəm ki, tez bir zamanda baş versin. Əgər mina təmizləmə əməliyyatları intensiv şəkildə davam etsə, bu proses 10 ilə yaxın zamanda yekunlaşa bilər. 

Ermənilər bilirdilər ki, 1994-cü ildən sonra məzarlıqları ziyarət etməyiblər. Xüsusilə də belə həssas yerlərdə minaların olacağını gözləməliyik. Çox təəssüf ki, bu ərazilər dünyada çox az ölkələrdə kv metrinə görə ən azından 3-5 mina ilə çeşidləndirilmişdir. Belə ərazilər müharibə tarixində çox az olan bölgələrdəndir. Minaların təmizlənməsi üçün çox böyük vəsaitlər, qurumlar, şirkətlər, dövlət maliyyə vəsaitləri ayrılmalıdır ki, bu əməliyyat tez başa çatsın. Demək olar ki, hər il minadan 100 nəfər xəsarət alır”.

Aysel