Bakı Təşəbbüs Qrupu (BİQ) müasir dünyada kolonializmə qarşı mübarizəyə dəstək vermək və bu sahədəki problemləri müzakirə etmək üçün hər zaman platforma təqdim etməyə hazırdır.

"EDnews" xəbər verir ki, bu barədə Beynəlxalq "Kolonializm: Milli-dini kimliyin silinməsi" konfransında jurnalistlərə BİQ-nin icraçı direktoru Abbas Abbasov bildirib.

O qeyd edib ki, təşkilat beynəlxalq səviyyədə siyasi məhbuslara və kolonial rejimlərə qarşı mübarizə aparanlara dəstək verməyə davam edəcək.

"Bugün mən Yeni Kaledoniyanın müstəqilliyi uğrunda mübarizə aparan ən fəal vətəndaşlardan biri, Kristian Teynin üzərində şəkli olan geyimi geyinirəm. Bir neçə ay əvvəl o, siyasi partiyanın rəhbəri seçildi, lakin tezliklə Fransız hakimiyyətləri tərəfindən həbs edilərək Fransa'ya deportasiya olundu. Bu, 2024-cü ilin sonunda keçirilən bir sıra sülh nümayişlərindən sonra baş verdi", - deyə Abbasov bildirib.

Onun sözlərinə görə, BİQ, müxtəlif beynəlxalq platformalarda və insan hüquqları təşkilatlarında Kristian Teynin müdafiəsi üçün diqqət çəkməyə davam edir.

Abbas Abbasov əlavə edib ki, Bakı Təşəbbüs Qrupu siyasi məhbusların ailələrinə hərtərəfli dəstək göstərməyə davam edir. "Bu istiqamətdə fəaliyyətimiz davam edəcək", - deyə o vurğulayıb.

Şəms Qasımlı // EDnews