Son günlərdə həm yerli, həm də xarici mətbuatda İngiltərənin Arsenal klubunun oyunçusu olan Heinrich Mxitaryanın Avropa Liqasının final oyununda iştirak etmək məqsədilə Bakıya gözlənilən gəlişi müzakirə edilir. Qeyd edək ki, Final oyunu 29 may tarixində, Bakıda, Çelsi-Arsenal komandaları arasında keçiriləcək.
İngiltərə "Arsenal"ının baş məşqçisi Unay Emeri komandanın futbolçusu Henrix Mxitaryanın Bakıda keçiriləcək Avropa Liqasının final matçında iştirakının nə dərəcədə mümkünlüyü ilə bağlı məsələyə münasibət bildirib.
Bunu siyasi məsələ adlandıran ispaniyalı mütəxəssis Azərbaycan və Ermənistan arasındakı problemdən xəbərsiz olduğunu açıqlayıb. Lakin o, Mxitaryanın həlledici qarşılaşmada iştirakı üçün əllərindən gələni edəcəklərini söyləyib: "Bu gün Mxitaryan yaxşı çıxış etdi. Əlimizdən gələn hər şeyi etməyə hazırıq ki, Henrix finalda oynasın. Amma mən bunun siyasi problemlə əlaqədar nə dərəcədə mümkünlüyündən və iki ölkə arasındakı problemin nə olduğundan həqiqətən də xəbərsizəm. Bu, məndən asılı məsələ deyil və həlli yolunu çox da yaxşı bilmirəm. Amma biz finalda Mxitaryanın olmasını istəyirik və mümkün olan hər şeyi edəcəyik ki, o, Bakıda olsun".
Qeyd edək ki, Azərbaycan Arsenal klubuna erməni futbolçunun təhlükəsizliyinə xüsusi zəmanət verdib.
Ancaq final oyununa az qalmış Mxitaryan haqqında maraqlı faktların üstü açılıb. Beləki, "Kavkazski Uzel" portalının Qagabağlı bloqçusu (erməni) David bu barədə yazır: Генрих Мхитарян купил тепловизоры для убийства азербайджанцев
"Final Bakıda olacaq. Lakin Bakı Mxitaryan üçün xoşbəxt olacaq şəhər deyil. UEFA artıq Mxitaryanın orada heç bir problemi olmayacağına dair rəsmi bir açıqlama verib. Amma bura Bakıdır, orada bir erməninin xoşuna gəlməyən çox şey baş verə bilər. Heinrich Mxitaryana, mən yalnız bir futbolçu kimi deyil, həm də insana hörmət edirəm. 2016-cı ilin aprelində biz Azərbaycanla müharibə aparanda hər bir post üçün "termal görüntüləyici" gətirdilər və onu bizə göndərən Almaniyadan Henri olduğunu söylədilər. ("Termal görüntüləyici", düşmənin qaranlığda yaxınlaşdığını görməyə imkan verən bir gecə görüş cihazıdır və istiliyi ölçür. Qeyd edək ki, 2017-ci ildə təmas xəttində mina axtaran 6 kəşviyyatçımız bu cihazlar vasitəsilə aşkar edilmiş və açılan atəş nəticəsində şəhid olmuşdular) Bu texniki avadanlıq bizə gecə vaxtı Azərbaycan əsgərlərini görməyə imkan verdi. Biz ona görə də Henriyə minnətdarıq. Qeyd edim ki, bu cihazlar olduqca bahadır, təxminən 5 min dollar. Amma onların faydaları böyükdür. Onun çətin zamanda orduumuza verdiyi hədiyyə çox zəruri və vaxtında idi ..."
Bu arada Azərbaycan Xarici İşlər Nazirliyinin mətbuat katibi Leyla Abdullayeva bu məsələylə bağlı suallarımızı cavablandırarkən qeyd edib ki, “İdmanı siyasətə qarışdırmaq olmaz. Bakı futbol da daxil olmaqla bir çox idman yarışlarına ev sahibliyi edib və edəcək. Bu yarışlarda bir çox millətlərdən olan insan Bakıya səfər edib. Ona görə də bu məsələdə Azərbaycan dövlətinin mövqeyi bəllidir. Sözügedən futbolçunun Ermənistan ordusuna madddi yardımı məsələsinə gəldikdə isə bu məsələylə bağlı faktlar araşdırılacaq”.
Bəli, biz qonaqpərvər ölkəyik. Bizim ölkəmizə dinindən, irqindən, millətindən asılı olmayaraq hər bir insan gələ, gəzə və rahat istirahət edib öz vətəninə qayıda bilər. Hətta vətəndaşlıq da ala bilər. Ancaq Mxitaryan adlı bir futbolçunun Bakıya gəlişinə imkan veriləbilməz. Ona görə yox ki, o ermənidir. Bizim ermənilərə münasibətimiz bəllidir. Bizim düşmənimiz olan ermənilər bizə atəş açan, bizim torpaqlarımızı işğal edən, bizim dinc vətəndaşlarımıza qarşı soyqırım aktı törədən ermənilərdir. Bizim hansısa Londonda futbol oynayan erməni ilə nə işimiz...
Hətta xatırlatmaq yerinə düşər ki, Bakıda keçirilən Avropa oyunları zamanı Ukraynanı təmsil edən erməni əsilli boksçu 2-cü yeri tutaraq, gümüş medal qazanmışdı. Təltiftmə mərasimində kürsüyə çıxan erməni əsilli idmançı yerli tamaşaçılar tərəfindən fitə basılmışdı. Bu anda Azərbaycan Prezidenti İlham Əliyev medalı onun boyundan özü asmış əlini yuxarı qaldırmış və onu alqışlamışdı. Bu bir daha onu göstərir ki, Azərbaycan və azərbaycanlılar heç də hər erməniyə düşmən gözüylə baxmır. Və biz, siyasətlə idmanı, mədəniyyəti və s. fərqləndirməyi yaxşı bacarırıq.
Mxitaryanın gəlişinə qalanda, əvvəla rəsmi qurumlar onun Ermənistan ordusunun maddi-texniki təchizatına maddi yardım edib-etmədiyini dəqiq yoxlamalıdır. Əgər bu şəxsin maddi yardımı sübuta yetirilibsə o zaman Azərbaycan Xarici İşlər Nazirliyi onu qara siyahısına daxil etməlidir və bu adam ümumiyyətlə ölkəyə buraxılmamalıdır. Bununla hər dəfə Arsenalın Bakıda oyunu keçiriləndə söz-söhbətlərə son qoymaq olar. Həmçinin qeyd etmək lazımdır ki, erməni mətbuatı Mxitaryanın məsələni aktuallaşdırıb və burdan “provakasiya qoxusu” gəlir. Hansısa Xankəndidə yaşayan bir erməni jurnalist final oyununa iki həftə qalmış açıqlama verir ki, Mxitaryan bizə aprel döyüşlərində silah aldı və biz onu çox sevirik. Əlbəttə, bu təsadüfi deyil, ermənilər bu məsələni qabardmaqla Bakıda Mxitaryana qarşı qıcıq yaratmaq istəyirlər. Əgər bu futbolçuya Bakıda nəinki güllə, hətta daş, boş butulka belə atılsa erməni mətbuatı və lobbisi bunu dünyaya “Azərbaycan faşizmi” kimi təqdim edəcək. (Bu metoddan onlar 88-84-cü illərdə Sumqayıtda, Bakıda və Dağlıq Qarabağda məharətlə istifadə etmişdilər) Ona görə də tez bir zamanda bu məsələ həll edilməli və real faktlar varsa Mxitaryan qara siyahıya salınmalıdır.
Nicat İsmayılov
Əmrullayev Əmrulla