Messidən fanatlarına pis xəbər - "Bu matçlarda iştirakım şübhə altındadır" | Eurasia Diary - ednews.net

20 Sentyabr, Cümə


Messidən fanatlarına pis xəbər - "Bu matçlarda iştirakım şübhə altındadır"

İdman A- A A+

"Barselona mənim evimdir və ayrılmaq istəmirəm. Mən qazanmaq istəyirəm".

Eurasia Diary xəbər verir ki, bunu "Barselona" klubunun kapitanı Lionel Messi "SPORT SP"yə eksklüziv müsahibəsində deyib.

Messi hazırda Fransanın PSJ klubunda çıxış edən eks-komanda yoldaşı Neymarın "Barsa"ya transferi məsələsindən də danışıb:
“Neymar yanıma gəlsəydi, çox xoşbəxt olardım. "Barselona"ya qayıdışı üçün əlindən gələni edib etmədiyini bilmirəm, amma PSJ ilə danışıqlar aparmaq həqiqətən çətindir. İdman baxımından Neymar dünyanın ən yaxşılarından biridir. Onunla klub həm imic baxımından, həm də sponsorları baxımından irəliyə doğru bir addım atacaq".

Argentinalı hücumçu zədəsi barədə də məlumat verib:

"Zədəmdən yavaş-yavaş sağalıram, ancaq 100 faiz hazır olduğum zaman oynayacağam - meydana qayıtmaq üçün dəqiq vaxt yoxdur. "Valensiya"ya qarşı oynaya bilmirəm və Çempionlar Liqasında "Borussiya" ilə matçda iştirakım da şübhə altındadır".

Messi bildirib ki, hər kəs son mövsümü yalnız "Liverpul" və "Valensiya"ya qarşı son iki matçdan ötəri uğursuz hesab edir.

"Baxmayaraq ki, bu oyunlardan əvvəl kifayət qədər uğurla və inamla getdik. Ancaq bəzən bir matç və ya bir xüsusi epizod bütün ilin nəticəsini müəyyənləşdirə bilər.

Keçən mövsümü fərdi olaraq ən yaxşı mövsümlərdən biri hesab edirəm, amma mənim üçün komanda hədəfləri hər şeydən üstündür və klub təəssüf ki, hədəflərinə çatmadı"- deyən hücumçu "Qızıl top" uğrunda mübarizədə favorit olub-olmadığı barədə sualı da cavablandırıb:

"Bilmirəm. Bu qəribə bir mükafatdır, heç kim favorit olduğunu bilmir. Bu yaxınlarda klubun nəticələrinə baxırlar və bu pis deyil. Bəzən mükafat Dünya Kuboku üçün verilir, hər kəs eyni cür qiymətləndirmir. Düzünü deyim ki, "Qızıl top"un sahibini müəyyənləşdirən heç bir kriteriya yoxdur. Heç vaxt özümü favorit kimi hiss etmirdim. Dediyim kimi, fərdi mükafatlar mənim üçün ikinci dərəcəli olur...

Mövsüm başlayanda həmişə kubokları qazanmaq istədiyimizi söyləyirik və buna nail olmaq üçün əlimizdən gələni edəcəyik. Ümid edirəm ki, oyunumuzu tez tapacağıq - bütün titulları əlimizlə almaq istəyirik.

Aydındır ki, Çempionlar Liqasını qazanmaq istərdim - bu uzun müddət baş vermədi. Şəxsi səviyyədə və klubda hiss edirəm ki, Çempionlar Liqasını qazanmalıyam. Ancaq mövsümün əvvəlində seçim etmək istəmirəm - hər iki kuboku qazanmaq istəyirəm".

Leo "Barsa"da əmrləri o vermədiyini deyib:

“Klubda əmr vermirəm. Mən sadəcə başqa bir oyunçuyam. İstədiyim yalnız kubok qazanmaq və qazanmaqdır".

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...