Qətərdə keçirləcək futbol üzrə Dünya Çempionatına artıq 2 gün qalıb. İddialara görə, bu turnir digər dünya kuboklarından daha maraqlı, əzmkar keçəcək.

Ednews tanımış şəxslərdən çemiponatada hansı ölkəyə azarkeşlik edəcəklərini, həmçinin hansı komandanın çemipon olacağı barəsində proznozlarını öyrənib. Cavabları təqdim edirik:

Əməkdar artist Bəhram Bağırzadə:

“Mənim üçün çempion həmişə Azərbaycandır. Ancaq və ancaq Azərbaycan millisinin azarkeşiyəm. Dua edəcəm ki, Azərbaycan yığması nə vaxtsa, Allah mənə ömür versin, dünya çempionatlarında iştirak etsin. Millimiz artıq 4 oyundur ki, qalib gəlir. Bu çox sevindirici haldır. Təki qələbələri çox olsun, biz də izləyək, sevinək. Çempionun hansı komanda olacağına isə konkret fikrim yoxdur. Sadəcə onu deyə bilərəm ki, hansı komanda daha nizamlı, intizamlı oyun sərgiləsə o da çempion olacaq. Hər halda mən falçı deyiləm, KVN-çiyəm. Müsəlman proqnoz verə bilməz. Oyunlara baxıb, həzz alacam. Cavan vaxtı bütün oyunlara baxırdımsa, indi 4-5 oyuna baxsam böyük şeydir. Çünki vaxt yoxdur və müharibə davam edir. Müharibənin iştirakçısıyam və çoxlu çalışmaq lazımdır.

“Qarabağ” FK-nın mətbuat katibi Gündüz Abbaszadə:

“Əslində İtaliyanın azarkeşiyəm. Təəssüf ki, İtalya bu ilki mundialda yoxdur. Ancaq Argentina yığmasına azarkeşlik edəcəm. Hansı ölkənin çempion olacağını təxmin etmək çətindir. Almaniya və Braziliyanın şanslarını daha yüksək qiymətləndirirəm”.

Əməkdar jurnalist Aydın Bağırov:

“Bəri başdan nəsə demək çətindir. Çempionluq uğrunda yarışın Braziliya, Argentina və  Fransa komandaları arasında keçəcəyini düşünürəm.  Təcrübə göstərir ki, çempionatdan əvvəl favorit göstərilən komandalar bəzən hədəflərinə nal ola bilməyiblər. Azarkeşlik edəcəyim komanda yoxdur. Amma Seneqal və Danimarka millilərinin oyunlarını maraqla gözləyirəm. Təəssüf ki, Seneqal millisinin üzvü Sadio Mane bu yarışı buraxmalı olacaq”.

Qeyd edək ki, Dünya Çempionatı noyabrın 20-sindən start götürür. 

Oğuz Ayvaz

• Tag:
• Qətər
• Dünya Kuboku