Noyabrın 20-də Qətərin Əl Xor şəhərində futbol üzrə 22-ci dünya çempionatının təntənəli açılış mərasimindən sonra dünyanın nəzərləri orada toplaşıb. Futbolsevərlərin 28 gün nəbzi Qətərdə sevimli komandaları ilə vuracaq.
Bu il Qətərdə keçirilən mundialda bir çox ilklərə imza atılıb. Ednews buu haqda bəzi maraqlı faktları təqdim edirik:
-Qətər tarixində ilk dəfə dünya çempionatına ev sahibliyi edir. Bu, ərəb dünyasında keçirilən Ilk Dünya Kuboku və əhalisinin əksəriyyəti müsəlman olan bir ölkədə keçirilən ilk dünya çempionatıdır. Həmçinin, o Asiyada keçirilən ikinci Dünya Kuboku hesab olunur.
-Qətərdə yay fəslinin dəhşət isti keçməsi səbəbindən bu Dünya Kuboku may, iyun və ya iyul aylarında yox, ilk dəfə olaraq noyabrın sonundan dekabrın ortalarına kimi davam edəcək.
-Qətərdə keçirilən dünya çempionatı tarixin ən bahalı turniri sayılır. Turnirə xərclənən məvacib 200 milyard dolları ötüb. Xərclərin böyük hissəsi tikinti, metro, otellər, yeni yollar, beynəlxalq hava limanının yenidən qurulmasına xərclənib.
- 2022-ci il martın 30-da Adidas 2022 Dünya Kuboku üçün rəsmi topun təqdimatını keçirib. Top Al-Rihla (ərəb dilindən tərcümədə - "səyahət") adlanır.
-“The Guardian” qəzetinin məlumatına görə, Qətərdə çempionatın hazırlığı zamanı stadion otel və digər obyektlərin tikintisində çalışan 6,5 mindən çox miqrant həlak olub.
-27 may 2015-ci ildə İsveçrə prokurorluğu Rusiya və Qətərin ərizələri ilə bağlı cinayət işi açıb. FIFA-nın yüksək vəzifəli şəxsləri korrupsiyada şübhəli bilinərək, həbs edilib. Məhz həmin tarixdə FİFA nümayəndələri baş verən qalmaqal və həbslərə baxmayaraq, Rusiya və Qətər tərəfindən verilən ərizələrə yenidən baxılmayacağını bildiriblər.
-Qeyd etmək lazımdır ki, bu oyun həmçinin tarixin ən siyasiləşmiş dünya çempionatı da hesab olunur. Rusiya Ukrayna müharibəs səbəbilə Rusiya komandasına çempionatın “Play-off” mərhələsində iştirak etməyə qadağa qoyulub. Hətta Rusiyanın potensial rəqiblər sayılan Polşa, Çexiya və İsveç milliləri dünya çempionatında iştirak etməmək bahasına belə ruslarla oynamayacaqları barədə açıqlama da vermişdilər.
- Qətərdə keçirilən mundiala LGBT azarkeşləri gedə bilməyib. Buna isə əsas səbəb homoseksualların bu ölkədə uzun müddətlı həbslə cəzalandırılmasıdır. LGBT nümayəndələri ilə həmçinin, tez-tez məhkəmədənkənar repressiya halları da baş verir.
- Daha bir ilk isə, 2022-ci il dünya çempionatının ciddi şəkildə spirtli içkisiz keçməsidir. Nəinki oyunda, həmçinin küçələrdə belə içki içmək qadağandır. Bu barədə azarkeşlərə heç bir arenada pivə ala bilməyəcəkləri barədə öncədən xəbərdarlıq edilib. FİFA, təşkilatın sponsorluğu üçün köpüklü içki istehsalçısı ilə 75 milyon avro dəyərində böyük müqavilə imzalayıb.
- Dünya Kuboku tarixində ilk dəfə hakimlər arasında qadın briqadaları da iştirak edir. Əsas hakimlər fransalı Stefani Fraplar, ruandalı Salima Mukansanqa və yaponiyalı Yoşimi Yamaşitadır.
Rəna Mürşüd
