Konfrans Liqasının pley-off mərhələsində "Qarabağ"ın rəqibi olan "Gent" heyətini yeni oyunçu ilə gücləndirib.
Ednews Belçika klubunun rəsmi saytına istinadən xəbər verir ki, nigeriyalı hücumçu Emmanuel Orban heyətə cəlb olunub.
Onunla bağlanan müqavilənin müddəti açıqlanmayıb. Transfermarkt portalı 21 yaşlı forvardın dəyərini 3.5 milyon avro qiymətləndirib.
Qeyd edək ki, Emmanuel Orban son olaraq çıxış etdiyi Norveçin "Stabek" kluubnda ötən mövsüm 24 oyunda 19 qol vurub.
“Qarabağ”la “Gent” arasında ilk oyun fevralın 16-da Bakıda, cavab qarşılaşması isə 23-də Gentdə keçiriləcək.
