Bu gün futbol üzrə Azərbaycan Premyer Liqasında XXIX turun daha iki oyunu keçiriləcək.
Ednews-un məlumatına görə, günün ilk matçı "ASCO Arena"da "Səbail" və "Sabah" komandaları arasında olacaq. Hazırda Murad Musayevin baş məşqçi olduğu kollektiv 65 xalla turnir cədvəlinin 2-ci pilləsində yer alır. 18 xalı olan "dənizçilər" isə sonuncudur.
Klublar indiyədək ölkə çempionatında 18 dəfə qarşılaşıblar. Bunların 5-də "Səbail", 9-da "Sabah" qələbə qazanıb. 4 görüşdə qalib müəyyənləşməyib. Topların nisbətində də "Sabah"ın üstünlüyü var - 24:13.
Günün son oyununda isə 57 xalla 3-cü sırada qərarlaşan "Neftçi" 24 xalla 8-ci yerdə gedən "Sumqayıt"ın qonağı olacaq.
Bu qarşılaşmayadək Premyer Liqada 42 dəfə üz-üzə gələn komandaların duelinda "ağ-qaralar" 21, "gənclik şəhəri" təmsilçisi 12 dəfə sevinib. 9 qarşılaşma heç-heçə ilə yekunlaşıb. Paytaxt klubunun vurduğu 65 topa sumqayıtlılar 46 qolla cavab veriblər.
"Neftçi" son 5 oyunda ən azı 2 qol vurub. "Sumqayıt" 8 matçdır rəqibinə qalib gəlmir.
Azərbaycan Premyer Liqası
XXIX tur
8 aprel (şənbə)
17:30. “Səbail” – “Sabah”
Hakimlər: İnqilab Məmmədov, Elşad Abdullayev, Eyyub İbrahimov, Səbuhi Bayramov
Hakim-inspektor: Ömər Paşayev
AFFA nümayəndəsi: Məmmədəli Məmmədov
“ASCO Arena”.
20:00. “Sumqayıt” – “Neftçi”
Hakimlər: Rauf Allahverdiyev, Zeynal Zeynalov, Cavanşir Yusifov, Əli Əliyev
Hakim-inspektor: Ramil Diniyev
AFFA nümayəndəsi: Seymur Səlimli
“Kapital Bank Arena”.
Qeyd edək ki, açılış oyununda "Qəbələ" evdə "Zirə"ni 2:1 hesabı ilə məğlub edib. Tura aprelin 9-da keçiriləcək "Turan Tovuz" - "Şamaxı" və "Qarabağ" - "Kəpəz" matçları ilə yekun vurulacaq.
