Azərbaycan şahmatçısı Nicat Abasov Kanadanın Toronto şəhərində keçirilən İddiaçılar Turnirində bu gün növbəti görüşünə çıxacaq.
Ednews xəbər verir ki, 28 yaşlı qrossmeyster IV turda Fransa təmsilçisi Əlireza Firuzca ilə üz-üzə gələcək.
O, bu dəfə ağ fiqurlarla oynayacaq. Qarşılaşma Bakı vaxtı ilə saat 22:30-da start götürəcək. İlk üç turda hər iki qrossmeyster 1 xal toplayıb.
Bu gün həmçinin Hikaru Nakamura (ABŞ) - Rameşbabu Praqnanandha (Hindistan), Yan Nepomnyaşi (FIDE) - Santoş Vidit (Hindistan) və Fabiano Karuana (ABŞ) - Dommaracu Qukeş (Hindistan) görüşləri baş tutacaq.
Qeyd edək ki, yarış aprelin 22-də başa çatacaq. 8 şahmatçının iki dövrədən ibarət mübarizəsində birinci olan qrossmeyster hazırkı dünya çempionu Dinq Lirenlə (Çin) Şahmat Tacı uğrunda oynamaq hüququ əldə edəcək.
İddiaçılar Turniri: Nicat Abasov bu gün Fransa şahmatçısı ilə üz-üzə gələcək
Günün xəbərləri
