"Liverpul" ötən mövsümü "Qalatasaray"da icarə əsasında keçirmiş "Napoli"nin 26 yaşlı hücumçusu Viktor Osimheni almaqda maraqlıdır.
“EDnews” xəbər verir ki, bu barədə "Give me Sport" xəbər verir.
Nigeriyalı oyunçunun İngiltərə komandasına potensial keçidinə əsas maneə onun maliyyə tələbləri, yəni həftədə təxminən 400000 funt-sterlinqə (468000 avro) çatan maaşı ola bilər.
"Qalatasaray" hazırda Osimhenin transferi üçün favorit sayılır. Bununla belə, futbolçunun Avropanın nüfuzlu klubuna keçidi üçün maaşında güzəştə getməsi ehtimalı var.
Hücumçu ötən mövsüm bütün turnirlərdə 41 oyunda iştirak edib, 37 qol vurub və səkkiz məhsuldar ötürmə edib.
Onun İtaliya klubu ilə hazırkı müqaviləsi 2026-cı ilin yayına kimi nəzərdə tutulub. "Transfermarkt"ın məlumatına görə, futbolçunun dəyəri 70 milyon avro qiymətləndirilir.
