Qazaxıstan Şimali Koreya ilə danışıqlar üçün platforma olmağa hazırdır. Bunu BMT-nin yanvarın 18-də keçirilmiş isclasında Nursultan Nazarbayev deyib.
Dövlət başçısı bildirib ki, Pxenyanı danışıqlar masasına qaytarmaq üçün Şimali Koreyaya “nüvə klubu” üzvləri tərəfindən təhlükəsizliyinin təminatı lazımdır. “Koreya-Mərkəzi Asiya” əməkdaşlıq forumunun katibi Lim Çxol Vu qeyd edib ki, Şimali Koreya nüvə silahının yayılmamasına dair razılaşmanı pozur. Buna görə yeni doktrina lazımdır. “Qazaxıstan nüvə silahından imtina etmə” təcrübəsinə malikdir, buna görə danışıqlar üçün platforma olmaq təklifi xüsusi önəm kəsb edir, həmçinin, dünya Şimali Koreyanın nə istədiyinə qulaq asmalıdır”, deyə Lim Çxol Vu bildirib.
Qazaxıstan Ukraynadakı vəziyyətin nizamlanmasında böyük töhfə verib. Nursultan Nazarbayev ABŞ, Almaniya, Fransa və Rusiya ilə bu məsələyə dair danışıqlar aparıb.
Qazaxıstan Respublikasının prezidenti Nursultan Nazarbayev (“Müstəqillik eras” kitabından sitat)
“Biz hər şeydən əvvəl anladıq ki, Qazaxıstanın əsas kartı kütləvi qırğın silahları ehtoyatı deyil, səmimiyyət, sülhsevərlik, sağlam düşüncə və mənəvi sahədə qazandığı nüfuzdur”.
Məhz Qazaxıstan prezidentinin fəaliyyəti nəticəsində rus-türk konflikti öz həllini tapdı. 2015-ci ilin noyabrında Suriya ilə sərhəddə türk hərbçiləri rus bombardmançısı Su – 24-ü vurmuşdu. Iki ölkə arasında münasibətlər iqtisadi müharibə səviyyəsinə çatmışdı. Bu kimi mənfi nəticələri görən Nursultan Nazarbayev Putin və Ərdoğanla çox sayda telefon danışığı və şəxsi görüşlər keçirmişdi. Nəhayət razılığa gəlinmişdi. Qazaxıstan isə növbəti dəfə sülhməramlı statusunu təsdiq etdi.