Ərdoğan seçkinin ləğvindən danışdı - “İnanın ki, bizi tənqid atəşinə tutardılar” | Eurasia Diary - ednews.net

20 Noyabr, Çərşənbə


Ərdoğan seçkinin ləğvindən danışdı - “İnanın ki, bizi tənqid atəşinə tutardılar”

Dünya A- A A+

Türkiyə prezidenti Rəcəb Tayyib Ərdoğan hazırda AKP-nin toplantısınıda çıxış edir.

Eurasia Diary “Qafqazinfo”ya istinadən xəbər verir ki, dövlət başçısı Ali Seçki Komissiyasının (YSK) İstanbul Böyükşəhər bələdiyyə sədri seçkisinin ləğvinə və yenidən keçirilməsinə dair verdiyi qərarla bağlı danışır.

Ərdoğan çıxışı zamanı bildirib:

“Bu işləri tələsik etmək olmaz. Seçkilərdə ümumilikdə 51,7 faiz səslə qələbə qazandıq. AKP olaraq bu seçkilərdə 15 böyükşəhər, 24 rayon, 516 vilayətdə idarəçiliyi əldə etdik. Millətimiz 1389 bələdiyyənin 758-nin məsuliyyətini bizə həvalə edib.

Ən mübahisəli mövzu İstanbul böyükşəhər Bələdiyyə rəhbərliyinə seçkilər olub. AKP-yə səs verən 15 min seçicinin səsləri oğurlanıb. Etirazlar gücləndikcə qarşımıza başqa bir mənzərə çıxdı.

Bizə edilən bu haqsızlığın hesabını milli iradə oğrularından soruşmasaq, millətimiz bizdən hesab soracaq. Təqdim etdiyimiz sənədlər olduqca möhkəmdir. İnkarı mümkün olmayan sənədlər var.

Bu işə kirli əllərin müdaxilə etdiyi, məsələnin addım-addım bu nöqtəyə gəldiyi ortadadır. AKP az səs fərqi ilə qələbə qazansaydı və eyni saxtakarlıqlar müəyyən edilsəydi, inanın ki, bizi tənqid atəşinə tutardılar.

Biz qəsb edilən hüquqularımızı bərpa etməyə və saxtakarlığın qarşısını almağa çalışırıq. Biz milli iradəyə hörməti təmin etmək istəyirik”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...