Sudanın təhlükəsizlik qüvvələri hərbi dövlət çevrilişi etmək istəyən 12 zabiti – 7 hazırda xidmətdə olan və 5 ehtiyatda olan zabiti, eləcə də onlara bu işdə köməklik göstərən 4 nəfəri həbs edib. Ancaq çevriliş cəhdinin əsas fiquru hələ də ələ keçməyib.

Eurasia Diary APA-ya istinadən xəbər verir ki, bu barədə Sudanın Hərbi Keçid Şurasının təhlükəsizlik komitəsinin rəhbəri Camal Omar İbrahimin açıqlamasında deyilir.

Onun sözlərinə görə, hazırda saxlanılan şəxslər dindirilir. Bundan sonra onlar məhkəmə qarşısına çıxarılacaqlar.

Sudanda dövlət çevrilişinə cəhd edilib.

Eurasia Diary APA-ya istinadən xəbər verir ki, bu barədə bu barədə yerli televiziya kanalında məlumat yayılıb.

“Cəhdin qarşısı alınıb”, - Sudanın Hərbi Keçid Şurasının açıqlamasında belə deyilir.

Hadisənin təfərrüatları və çevrilişə cəhd edənlərin kimliyi barədə hələlik hər hansı məlumat verilməyib.

EurasiaDiary © Xəbərlərdən istifadə zamanı hiperlinklə istinad olunmalıdır.