"Pakistan Kəşmir probleminin sülh yolu ilə həllinə hazırdır" - Pakistanlı diplomat | Eurasia Diary - ednews.net

16 Sentyabr, Bazar ertəsi


"Pakistan Kəşmir probleminin sülh yolu ilə həllinə hazırdır" - Pakistanlı diplomat

Dünya A- A A+

Pakistan Cammu və Kəşmir ştatı ilə bağlı ədalətin bərpası üçün bütün lazımi addımları atacaq, ancaq Hindistanla mübahisənin sülh yolu ilə həllinə hazırdır.

Eurasia Diary “TASS” agentliyinə istinadən xəbər verir ki, bunu Pakistanın BMT-dəki daimi nümayəndəsi Maliha Lodhi mövzu ilə əlaqədar Təhlükəsizlik Şurasının iclasından sonra jurnalistlərə açıqlamasında deyib.

“Təhlükəsizlik Şurasının iclası ilə bağlı istəyimiz Cammu və Kəşmir əyalətinin xalqı adından edilən hərəkətlərdən birincisidir. Ancaq bu, son deyil. Bu, Cammu və Kəşmir ştatının sakinləri üçün ədalətin bərpasından sonra bitəcək. Biz ştat ətrafında gedən mübahisənin sülh yolu ilə nizamlanmasına hazırıq”, - deyə xanım Lodhi bildirib.

Diplomat, həmçinin bu məsələnin Təhlükəsizlik Şurasında müzakirəsini alqışlayıb:

“Bu, problemin beynəlxalq dərəcədə əhəmiyyətinin göstəricisidir. Hindistan üçün bu, “daxili məsələ”dir, ancaq bugünkü müzakirə göstərdi ki, ştatın işğal problemi ümumi məsələdir”.(APA)

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...