Son 24 saatda Rusiyanın 18 bölgəsində 182 koronavirus faktı aşkarlanıb.

"EDNews" ria novosti-yə istinadən xəbər verir ki, sutka ərzində Rusiyanın 18 bölgəsində daha 182 nəfər koronavirusa yoluxub. Ən çox koronavirus daşıyıcısı paytaxt Moskvada qeydə alınıb. 24 saatda Moskvada 136 nəfərdə koronavirus pandemiyası aşkarlanıb.

Son göstəricilərə əsasən Rusiyada koronavirus xəstələrin sayı 846 nəfərə çatıb ki, bunlardan 546-sı paytaxta qeydə alınıb. Virusa yoluxanlardan 32-si sağalsada, 2 nəfər xəstəliyə tab gətirməyərək ölüb.

Hazırda xəstəxanalarda aktiv şəkildə 139 min həkim fəaliyyət göstərir.

Qeyd edək ki, Rusiya höküməti martın 27-dən Rusiya vətəndaşlarının digər ölkələrdən geriyə gətirilməsi istisna olmaqla, başqa ölkələrə uçuşlara və girişlərə qadağa qoyub. 28 martdan 5 aprelədək ölkədə qeyri-iş günü elan edilib.

EDNews