Tramp etirazları yatırmaq üçün hərbçiləri göndərdi - YENİLƏNİB - VİDEO - FOTOLAR | Eurasia Diary - ednews.net

10 İyul, Cümə


Tramp etirazları yatırmaq üçün hərbçiləri göndərdi - YENİLƏNİB - VİDEO - FOTOLAR

Dünya A- A A+

Minnesota ştatının Milli Qvardiyasının məlumatına görə, Minneapolis və Sent-Pol şəhərlərində iğtişaşların nəzarət altına alınması üçün ABŞ Milli Qvardiyasının 500-dən çox hərbçisi göndərilib.

"500-dən çox hərbçini Sent-Pol, Minneapolis və qonşu ərazilərə göndərdik. Bizim vəzifəmiz mülki insanların, obyektlərin və dinc nümayiş hüququnun qorunmasıdır",- deyə Minnesota ştatının Milli Qvardiyasının rəsmi tvitter hesabında bildirilib.

***

ABŞ-ın Minnesota ştatının Minneapolis şəhərində Corc Floyd adlı qaradərili vətəndaşın polis tərəfindən öldürülməsindən sonra şəhəri kütləvi iğtişaşlar bürüyüb.

EDNews.net “Fox News”a istinadən xəbər verir ki, vandalizm və yanğınlarla müşayiət olunan şiddətli nümayişlər artıq 3-cü gündür ki davam edir. Etirazçılar Corc Floydun ölümündə günahlandırılan polis Derek Çovinin həbs edilməsini tələb edirlər.

Qarşıdurmalar nəticəsində bir sıra obyekt və avtomobillərə ziyan dəyib. Nümayişlər zamanı etirazçılar polis bölməsinin binasını mühasirəyə aldıqdan sonra binaya girərək onu yandırıblar. Binada olan polis əməkdaşlarının yanğından bir az əvvəl helikopter vasitəsilə təxliyyə olunduğu bildirilib. Etirazlar zamanı şəhərdə polis məntəqəsi ilə yanaşı ticarət mərkəzləri, restoranlar, supermarketlər kimi bir sıra digər obyektlər də yandırılıb.

Qeyd edək ki,  Minneapolis meri qaradərilinin öldürülməsinə görə vətəndaşlardan üzr istəyib. Hadisəyə görə 4 polis əməkdaşı vəzifəsindən azad edilib.

1

1

1

1

EDNews.net

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...