Bu ilin yanvar-mart aylarında Kanada iqtisadiyyatı 2009-cu ildən bəri ən pis nəticələr nümayiş etdirib.
Buna səbəb ölkə daxilində yeni növ koronavirus (COVID-19) pandemiyasının qarşısını almaq məqsədilə müəssisələrin bağlanması və iş yerlərinin ixtisarı olub.
EDNews.net-in "Financial Post"a istinadən verdiyi xəbərə görə, 2020-ci ilin ilk üç ayında Kanadada ÜDM istehsalı illik ifadədə 8,2% azalıb ki, bu da mart ayında ÜDM-in 7,2% azalması nəticəsində baş verib. Belə ki, Kanadada məhdudlaşdırıcı tədbirlərə məhz martda başlanılıb.
Aprel ayında ölkənin ÜDM-i 11% azalıb.
Hesabat dövründə ev təsərrüfatlarının xərcləri 2,3% azalıb ki, bu da ölkə tarixində ən kəskin rüblük azalma olub.(apaeconomics)
