Böyük Britaniyada kölə taciri Eduard Kolstondan sonra Robert Milliqanın da Londondakı heykəli götürülüb.
EDNews.net xəbər verir ki, heykəlin olduğu yerin sahibi Kanal və River Fondunun imza kampaniyasına dəstək verməsindən sonra söküm işlərinə başlanılıb. Axşam saatlarında çıxarılan heykəl kranla endirilərək aparılıb.
Heykəlin götürülməsi üçün imza kampaniyası başladan Tover Hamlets səmtinin məclis üzvü Ehtaşam Haque bu addımın qaradərili Corc Floydun ABŞ-da öldürülməsindən sonra başlayan nümayişlərin və "Qaradərililərin həyatı dəyərlidir" kampaniyasının bir parçası olduğunu deyib.
Milliqanın 1809-cu ildə öləndə 526 köləsi olduğundan bəhs edən Haque heykəlin onu tərənnüm etmək üçün hazırlandığını və XXI əsr mədəni cəmiyyətində buna yer olmadığını bildirib.
"Özümü azadlığa çıxmış kimi hiss edirəm. İğtişaşlar zamanı bu heykəlin qarşısından keçərkən özümüzü ikiüzlü kimi hissedirdik", - deyə məclis üvü deyib.(qaynarinfo)
