ABŞ-ın daha bir şəhəri Xocalı soyqırımını andı - FOTOLAR | Eurasia Diary - ednews.net

19 Aprel, Bazar ertəsi


ABŞ-ın daha bir şəhəri Xocalı soyqırımını andı - FOTOLAR

Dünya A- A A+

ABŞ-ın Florida ştatının daha bir şəhəri, Sanni Ayls Biç (Sunny İsles Beach) Xocalı soyqırımının 29-cu ildönümü ilə əlaqədar “proklamasiya” – bəyannamə yayıb.

Eurasia Diary Report-a istinadən xəbər verir ki, şəhərin meri Сorc Skoll tərəfindən imzalanan bəyannamədə 1992-ci il fevralın 25-dən 26-na keçən gecə erməni silahlı qüvvələrinin dinc azərbaycanlı əhaliyə qarşı törətdiyi qırğın nəticəsində 600-dən çox günahsız vətəndaşın, o cümlədən qadınların və uşaqların öldürülməsindən danışılır.

Sənəddə qeyd edilir ki, “Human Rights Watch” hüquq müdafiə təşkilatının əlindəki dəlillərə əsasən, Xocalı soyqırımı regionda ən böyük hərbi cinayətdir. Bəyannamədə Xocalı qətliamının Amerikanın 20 ştatı tərəfindən tanındığı qeyd olunur. Xocalı hadisələrinin dəhşətli itkilərdən xəbər verdiyi, habelə bütün dünyada insanların bir-birini daha yaxşı başa düşməsinin və onların tolerantlığının vacib olduğunu göstərdiyi üçün mer Corc Skoll 2021-ci il fevralın 26-nı Sanni Ayls Biç şəhərində Xocalı soyqırımının 29-cu ildönümü günü elan edib.

Sənəd Florida ştatının Florida-Azərbaycan Cəmiyyətinin rəhbəri Esmira Bayramovaya təqdim olunub. Qeyd edək ki, hazırda ABŞ-ın bir çox şəhər və ştatlarında yaşayan Azərbaycan icmasının üzvləri tərəfindən Xocalı qətliamı haqqında məlumatlandırma kampaniyası həyata keçirilir.

1

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...