Almaniya Türkiyə PUA-ları qarşısında acizliyini dilə gətirdi | Eurasia Diary - ednews.net

8 May, Şənbə


Almaniya Türkiyə PUA-ları qarşısında acizliyini dilə gətirdi

Dünya A- A A+

"Türkiyə istehsalı olan pilotsuz uçuş aparatı (PUA) qarşısında Almaniya hava hücumundan müdafiə sistemi acizdır".

Eurasia Diary Report-a istinadən xəbər verir ki, bu, Almaniyanın tanınmış “Frankfurt Allgemeine Zeitung” (FAZ) qəzetindəki məqalədə qeyd olunub.

Qəzetin yazdığına görə, bu qurğu Almaniya ordusunda şoka səbəb olub.

Bildirilib ki, Almaniyanın Müdafiə Nazirliyi ölkə hava hücumundan müdafiə sisteminin PUA-ların qarşısını almaqda gücsüz olduğunu etiraf edib. Müdafiə naziri Anneqret Kramp Karrenbauer bu istiqamətdə problemi aradan qaldırmaq üçün bəzi təkliflər irəli sürüb.

“PUA hücumlarının təhdidi səbəbi ilə təcili olaraq hava hücumundan müdafiə sisteminin dəyişdirilməsinə ehtiyac var. Silahlı qüvvələr bu vəziyyətdə müqavimət göstərəcək vəziyyətdə deyil. Almaniya ordusunun PUA hücumu qarşısında hardasa müdafiəsiz olduğu qəbul edilən bir sürpriz oldu”, - məqalədə vurğulanıb.

Yazıda bildirilib ki, İsrail və Türkiyə tərəfindən istehsal olunan PUA-lar Qarabağ və ətraf rayonlarda Ermənistan Silahlı Qüvvələrinə aid 190-dan artıq tankı və zirehli avtomobili məhv edib: “Erməni hərbçiləri bu hücumlar qarşısında müdafiəsiz olduqları üçün məyus vəziyyətə düşdülər. Bununla bağlı xəbərlər Almaniya ordusunda şoka səbəb olub”.

Məqaləyə əsasən, Almaniyadakı ABŞ-ın “Patriot” hava hücumundan müdafiə kompleksində bununla bağlı modernləşməyə ehtiyac var: “Bunun üçün 600 milyon avro məbləğində maliyyə vəsaiti lazımdır. Almaniya hava hücumundan müdafiə sisteminin modernləşməsi üçün 13 milyard avrodan artıq maliyyə vəsaiti lazımdır”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...