Ukrayna heç vaxt “rus dünyası”nın bir parçası olmayacaq - Ukrayna XİN | Eurasia Diary - ednews.net

8 May, Şənbə


Ukrayna heç vaxt “rus dünyası”nın bir parçası olmayacaq - Ukrayna XİN

Dünya A- A A+

Ukrayna Qərb dünyasının bir parçasıdır və heç vaxt “rus dünyası”nın bir parçası olmayacaq.

Eurasia Diary-nin TASS-a istinadən verdiyi xəbərə görə, bu barədə bu gün Ukraynanın xarici işlər naziri Dmitri Kuleba Brüsseldə NATO Baş katibi Yens Stoltenberqlə birgə mətbuat konfransında bildirib.

Onun sözlərinə görə, Rusiya Ukraynanın Qərb dünyasına, demokratik dünyaya aid olduğunu və Qərbin Ukrayna demokratiyasını və onun suverenliyini məhv etməyə imkan verməyəcəyini anlamalıdır.

“Bu çox sadə və aydın siqnaldır. Bu barədə dostlarımız və tərəfdaşlarımız Rusiyanı məlumatlandıra bilərlər. Ukrayna heç vaxt “rus dünyası”nın bir parçası olmayacaq”, - deyə Ukrayna XİN başçısı qeyd edib.  

Ukraynalı nazir Rusiyanın aqressiv niyyətlərini dayandırmaq üçün əməli addımların atılmasının, o cümlədən sanksiyaların tətbiq edilməsi və Ukraynanın müdafiə qabiliyyətinə birbaşa dəstəyin göstərilməsinin zəruriliyini də vurğulayıb.

APA

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...