"Ermənilər yoxsul və ümidsiz Ermənistandan qaçır" - Rusiya mediası | Eurasia Diary - ednews.net

19 İyun, Şənbə


"Ermənilər yoxsul və ümidsiz Ermənistandan qaçır" - Rusiya mediası

Dünya A- A A+

Ermənistan yenə də Rusiya mediasının hədəfindədir. Bu ölkənin "Moskovski komsomolets" qəzeti yazır ki, 30 illik müstəqilliyi ərzində bu ölkədə tox və sakit həyat tərzi sürənləri barmaqla saymaq olar. Əhalisi 3,5 mln. olan ölkədə əhali sayı 2,9 mln.-a düşüb. İnsanlar kütləvi şəkildə, nəyi varsa satıb Rusiyaya üz tutur. Rus jurnalist yazır ki, Qarabağ torpaqları əldən gedən kimi fermerlər də acınacaqlı duruma düşüb. Bunun nəticəsidir ki, ölkədə ətin qiyməti də qalxıb.

Yaşlı kişilərin 70 faizi Rusyada işləyir

Miqrasiya isə pik həddə yüksəlib. Məsələn, Şirak vilayətində yaşlı kişilərin 70 faizi Rusiyada işləyir. Qadınlar isə evdə uşaqlara baxır. Rusiyadakı miqrant ermənilər yalnız qışda dönə bilir. Belə ermənilərin sayı isə 500 minə yaxındır. Qəzetə aşıqlamasında erməni sakinlər Ermənistanda insanların yoxsulluq həddində yaşadıqlarını, təbəqələşmənin sürətlə artdığını xüsusi qeyd edirlər. Ölkənin digər bir minusu kimi geosiyasi vəziyyəti göstərirlər. "Əvvəl mən deyirdim ki, oğlum mütləq orduya getməlidir. Lakin indi İkinci Qarabağ müharibəsindən sonra anlamağa çalışıram ki, insanlar heç nədən o torpaqlarda ölüblər. Balaca ölkədir, lakin artıq heç kim təminat verə bilməz ki, sabah Ermənistan ərazisində müharibə başlamayacaq", - deyə Anna adlı erməni qadın qəzetə bildirib.

Səhiyyə bərbad durumda

Reportajda müəllif ölkə səhiyyəsinin də bərbad durumundan bəhs edib. Bildirib ki, xəstələr üçün dərman qıtlığı pik həddədir. Onkoloji xəstələrlə bağlı vəziyyət də fəlakət həddindədir - dərmanlar bahadır və tapılmır. Ən ciddi problemlərdən biri də məmurların qeyri-adekvat fəaliyyətidir. Könüllü kimi Qarabağda döyüşənlər lazım olan müavinətlər də ala bilmir. Çünki onların statusu qanunda əks olunmayıb.

Korrupsiya pik həddə

Əvəzində isə ölkədə korrupsiya pik həddə çatıb. Nikol Paşinyan hakimiyyətə gələn vaxtın ilk aylarında korrupsiya aşağı həddə düşmüşdü. İndi hər şey əvvəlki vaxta dönüb. Vergi, gömrük, şəhər hakimiyyət orqanları rüşvəti çəkinmədən götürür", - deyə İrəvan sakini Vaqan bildirib.

Milli.az

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...