Gələn bazar günü Ermənistanda erkən parlament seçkiləri keçiriləcək. 

Eurasia Diary xəbər verir ki, populyar "Aravot" qəzetinin baş redaktoru və Prezident Levon Ter-Petrosyanın mətbuat xidmətinin keçmiş rəhbəri Aram Abramyan müəllif məqaləsində Ermənistanın bu seçkidə iki yolu olduğunu yazıb.

Birinci halda: Paşinyanın qələbəsi ilə Ermənistanda idarəolunmaz vəziyyət dərinləşəcək, dövlət strukturlarının işi daha da pozulacaq. Bu da yeni partlayışa və yeni itkilərə səbəb olacaq. 

İkinci halda: Köçəryanın qələbəsi ilə yeni partlayışa və yeni itkilərə gətirib çıxaran 2018-ci ildəki köhnə sistem bərpa ediləcək.

Paşinyanın vəziyyətində proses bir neçə ay, Köçəryanda isə 1-1,5 il davam edəcək.

“Bunun qarşısını necə almaq olar? Teknokratik, siyasətdən kənar bir hökumət ideyası təklif olunur: bu, ehtirasları sakitləşdirmək baxımından vəziyyətdən çıxış yolu ola bilər. Təəssüf ki, bu, praktik deyil. Çünki Paşinyan və Köçəryan heç kimə hakimiyyət vermək fikrində deyillər.

Onlar bu hakimiyyətdən bir-birini məhv etmək üçün istifadə edirlər. Belə niyyətli liderlərlə sabitliyə nail olmaq mümkün deyil.

Ancaq bu ikisindən başqa heç bir siyasi qüvvənin hakimiyyətə gəlmək şansı yoxdur ” deyə məqalədə deyilir.

Aram Abramyan qeyd edir ki, Paşinyan siyasətinin mahiyyəti qalmaqaldır. İndiki baş nazir bacarıqlı bir davaçıdır, bu vəziyyətdə özünü suda balıq kimi hiss edir, çünki bu, ona rəqibini “silkələmək”, “ona yerini göstərmək” (kimin üçün əhəmiyyəti yoxdur) fürsəti yaradır.

Xarakterinə görə o, bürokratiya, diplomatlar, ziyalılar, ordu, ruhanilər, partiyalar və hətta komandasının bir hissəsi ilə münasibətləri korlayıb. Bu siyasətin nəticələri hamının gözü önündədir.

Eyni zamanda, Köçəryanın siyasi portretini bir sözlə təsvir etsəniz, bu “repressiya” sözü olardı. Hakimiyyəti dövründə ikinci prezident hamını bir yumruqda saxlamağa çalışıb, hər şeyi fikirlərinə görə “tənzimləyib”.

Oliqarxların skinxedləri də insanları sərt şəkildə təpikləyib. Prezidentə yersiz salam vermək ölümcül ola bilər.

Müəllifə görə, bu sistemi bərpa etmək demək olar ki, mümkün deyil. Beləliklə, mümkün seçkinin hər iki nəticəsi ən azı bir neçə ay üçün insanları təlatümlü bir vəziyyətə gətirib çıxaracaq.

Bizim.Media