Moskva Ukraynaya hücuma hazırlaşır - Saakaşvili | Eurasia Diary - ednews.net

20 Sentyabr, Bazar ertəsi

Moskva Ukraynaya hücuma hazırlaşır - Saakaşvili

Dünya A- A A+

Gürcüstanın keçmiş prezidenti Mixail Saakaşvili Rusiyanın Ukraynaya mümkün hücumu ilə bağlı səsləndirdiyi iddialarla gündəmə gəlib.

Eurasia Diary xəbər verir ki, bu barədə “ria.ru” saytı məlumat verib.

Saakaşvilinin sözlərinə görə, Rusiyanın Krıma hərbi qüvvə toplaması Moskvanın Ukraynaya hücuma hazırlaşdığının əyani sübutudur.

Onun fikrincə, Ukrayna ətrafında baş verənlər Gürcüstanın 2008-ci ildəki vəziyyətini xatırladır. Çünki 13 il əvvəl olduğu kimi Rusiya yenidən öz qüvvələrini sərhəd bölgəsinə yığır.

Bundan əlavə, Gürcüstanın keçmiş lideri Kreml rəhbəri Vladimir Putinin bir neçə gün öncə Ukrayna xüsusi təyinatlılarının yerləşdiyi Zmeini adası ilə bağlı etdiyi xatırlatmaya da diqqət çəkib. 

Saakaşvilinin fikrincə, bu Rusiyanın hücum ssenarilərindən ilkidir. Digər ssenariyə görə isə, Moskva  Mariupol – Zaparoje – Xerson – Nikolaev xətti ilə hücuma keçəcək.

Eks-prezidentin sözlərinə görə bu, daha real ssenaridir.

Qeyd edək ki, Qərb ölkələri də Moskvanı Ukrayna ilə sərhəddəki təcavüzkar hərəkətlərini gücləndirməsi səbəbindən dəfələrlə günahlandırıb.

Bizim.Media

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...