Rusiyanın Kemerovo vilayətinin “Listvyajnaya” şaxtasında baş vermiş partlayış nəticəsində yaralananların sayı artıb.

Bu barədə EDNews.net TASS-a istinadən xəbər verir.

Bildirilir ki, axtarış-xilasetmə işlərində iştirak edərkən xəsarət alan dağ xilasedicilərinin sayı 17 nəfərə yüksəlib.

Bununla da “Listvyajnaya” şaxtasında baş vermiş partlayış nəticəsində xəsarət alanların rəsmi sayı 126 nəfər təşkil edir.

“Qəza zamanı ümumilikdə 126 nəfər xəsarət alıb, onIardan 51-i həlak olub”, - mənbə agentliyə deyib.

"Daha iki əməkdaş xəstəxanaya yerləşdirilib. Ümumilikdə 17 nəfər xilasedicisi xəsarət alıb. Onların hamısında dəm qazından zəhərlənmə var", - mənbə bildirib.

Hazırda xəstəxanada 53 nəfər müalicə edilir. Onlardan 17-si dağ xilasedicisidir. Qeyd edilir ki, 12 şaxtaçıya ambulator yardım göstərilib.

***

Rusiyanın Kemerovo vilayətindəki "Listvyajnaya" mədənində baş vermiş qəza nəticəsində xəsarət alanların sayı artıb.

EDNews.net-in məlumatına görə, bu barədə TASS mənbəyə istinadən xəbər verib.

Qeyd edilir ki, qəza zamanı xəsarət alanların sayı 57 nəfərə çatıb.

“Ümumilikdə 57 nəfər xəsarət alıb, onların arasında axtarış-xilasetmə əməliyyatında iştirak edən dağ xilasediciləri də var”, - mənbə bildirib. Qəza zamanı 11 dağ xilaseidicisi xəsarət alıb. Onlar xəstəxanaya yerləşdirilib.

Hadisə cümə axşamı səhər saatlarında baş verib. Qəza zamanı mədəndə ümumilikdə 287 olub. Son məlumata görə, qəza zamanı 52 nəfər ölüb.

Faktla bağlı cinayət işi açılıb. Baş prokurorun müavini Dmitri Demeşin qeyd edib ki, fövqəladə vəziyyətə səbəb metan partlayışı olub.

Daha əvvəl Rusiya fövqəladə hallar xidmətinin nümayəndəsi də "RİA Novosti"yə bildirib ki, 52 nəfər qəzanın qurbanı olub.

***

Rusiyanın Kemerevo vilayətinin Belovo şəhərində  "Listvyajnaya" şaxtasında qəza olub.

EDNews.net-in "RİA Novosti"yə istinadla xəbərinə görə, yanğına kömür tozunun alışması səbəb olub. Yanğın 250 metr dərinlikdə başlayıb, ardınca tüstü ventilyasiya vasitəsilə bütün mədənə yayılıb. Fövqəladə hallar nazirliyinin verdiyi məlumata əsasən, hadisə baş verən zaman orada 285 nəfər olub, onlardan 239-u təxliyə olunub.

Hadisə nəticəsində xilasedicilər də daxil olmaqla 52 nəfər həlak olub.

Baş prokurorun müavini Dmitri Demeşin qeyd edib ki, fövqəladə vəziyyətə səbəb metan partlayışı və mədənçilərin xəsarət alması ilə nəticələnən dinamik zərbə olub.

Hadisə ilə əlaqədar mədənin direktoru, onun birinci müavini və sahə rəhbəri saxlanılıb. Müəyyən edilib ki, saxlanılan şəxslər istehsalat obyektində təhlükəsizlik tələblərini pozublar.