Yaponiya KXDR və Çin tərəfindən artan təhlükə qarşısında ordusunu gücləndirməyi hədəfləyir - ednews.net

18 Yanvar, Çərşənbə axşamı

Yaponiya KXDR və Çin tərəfindən artan təhlükə qarşısında ordusunu gücləndirməyi hədəfləyir

Dünya A- A A+

Yaponiyanın baş naziri Kişida Fumio ölkəsini əhatə edən təhlükəsizlik vəziyyətinin qeyri-sabitliyi qarşısında Özünümüdafiə Qüvvələrinin (SDQ) imkanlarını artırmağı planlaşdırdıqlarını bəyan edib.

EDNews.net xəbər verir ki, Kişida Quru Özünümüdafiə Qüvvələrinə (QSDF) aid olan Asaka bazasına səfəri zamanı etdiyi çıxışda ölkəsinin ətrafında təhlükəsizlik vəziyyətinin “əvvəllər heç vaxt olmadığı sürətlə” dəyişdiyini bildirib.

Çinin hərbi fəaliyyətləri və Şimali Koreyanın raket texnologiyalarını inkişaf etdirməsindən narahat olduqlarını qeyd edən Kişida bildirib ki, elmi fantastika romanlarında istifadə olunan şeylər günümüzün reallıqlarıdır.

Pxenyanın hədələyici sınaqlarının Birləşmiş Millətlər Təşkilatının qərarlarına zidd olduğunu ifadə edən Kişida qeyd edib ki, Yaponiya Şimali Koreyanın hipersəs silahları və nizamsız orbital raketlər kimi yeni texnologiyalar inkişaf etdirməsinə göz yuma bilməz.

Ölkəsinin hərbi güc siyasətinə yenidən baxacağı siqnalını verən Baş nazir hökumətə “Milli Təhlükəsizlik Strategiyası” və “Ortamüddətli Müdafiə Proqramı”nın yenilənməsi üçün hazırlıq işləri görməyə dair göstəriş verdiyini bildirib.

Ölkəsinin “hərbi xərclərini ikiqat artırmaq siyasətinə” açıq olduğunu qeyd edən Baş nazir xalqın həyatını qorumaq üçün “sakit və real müzakirələr” aparacaqlarını bildirib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...