Orta əməliyyat hündürlüyünə malik “Hisar-O+” Hava Hücumundan Müdafiə (HHM) sisteminin Türkiyə ordusuna təhvil verilməsinə azsaylı günlər qalıb.

EDNews.net xəbər verir ki, bu barədə Türkiyənin Müdafiə Sənayesi Komitəsinin sədri İsmayıl Dəmir məlumat yayıb.

O, jurnalistlərin sistemin bu ilin sonuna qədər təhvil verilməsinin mümkün olub-olmaması barədə sualına cavab olaraq bildirib ki, yeni ilin ilk dövründə sistemlər təhvil veriləcək.

“İstehsalçı üçün hər şey hazırdır. İstəsək, bu ilin sonuna qədər təhvil verə biləcəyimiz bir mərhələdəyik. Bununla belə, istifadəçi sınaqları davam edir. Odur ki, çox az vaxt gözləyək və yeni ilin əvvəlində onun inventarlaşdırıldığını görə bilərik”, - deyə o bildirib.

“Hisar-O+” ilə sabit birliklərin və kritik obyektlərin hava hücumundan müdafiəsi çərçivəsində pilotlu aviasiya vasitələrinin, qanadlı raketlərin, PUA-ların və “hava-yer” raketlərinin qarşısının alınması məqsədi daşıyır.