Ukrayna prezidentinin aparat rəhbərinin müşaviri Mixail Podolyak Rusiya və Ukrayna prezidentləri Vladimir Putin və Vladimir Zelenski arasında Türkiyədə danışıqların keçirilməsini müsbət addım kimi qiymətləndirib.

 

O, bildirib ki, bu danışıqlarla müsbət nəticələr əldə etmək olar.

 

 “Türkiyə və prezident Ərdoğan bölgədəki vəziyyəti yaxşı anlayır, həm ukraynalıların, həm də rusların motivlərini yaxşı bilirl. Həm də Türkiyə öz strateji maraqlarını da yaxşı anlayır”, - deyə o, RBC-Ukraynaya açıqlamasında deyib.

 

Qeyd edək ki, Türkiyə prezidentinin sözçüsü İbrahim Kalın açıqlama verərək Ərdoğanın Putin və Zelenskini iki ölkə arasındakı fikir ayrılıqlarını həll etmək üçün Türkiyəyə dəvət etdiyini deyib. O, həmçinin qeyd edib ki, Türkiyə prezidenti yaxın bir neçə həftə ərzində Zelenski ilə danışıqlar üçün Ukraynaya gedəcək.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary