Avropa İttifaqı Ukraynadakı vəziyyətlə bağlı Rusiyaya qarşı sərt sanksiyalar tətbiq etmək istəmir.

Ednews “RİA Novosti”yə istinadən xəbər verir ki, bu fikirləri  Avropa İttifaqı Şurasının sədri Şarl Mişel səsləndirib.

Avropa Şurasının rəhbəri vurğulayıb ki, Brüssel gərginliyin yumşaldılmasına nail olmaq üçün bütün mövcud diplomatik kanallardan maksimum istifadə etməyi zəruri hesab edir.

Avropa Şurasının rəhbəri həmçinin əlavə edib ki, buna görə də “Aİ sərt sanksiyalar tətbiq etmək istəmir”.

Eyni zamanda, Mişel vurğulayıb ki, "təcavüz" və diplomatiyanın uğursuzluğu halında Moskvanı "ciddi nəticələr” gözləyə bilər.

Xatırladaq ki, son zamanlar Kiyev və Qərb ölkələri Rusiyanı Ukraynaya “hücum” hazırlamaqda ittiham edirlər. Rusiya prezidenti Vladimir Putinin  mətbuat katibi Dmitri Peskov dəfələrlə bəyan edib ki, Moskva heç kimə hücum etmək niyyətində deyil. Lakin digər dövlətlərin razılığı olmadan o öz qoşunlarını ona məxsus olan ərazisində yerləşdirmək hüququna malikdir.

Kreml həmçinin bildirib ki, Ukraynadakı eskalasiya Qərb tərəfindən Şərqə NATO qüvvələrinin yerləşdirilməsi üçün bəhanə kimi istifadə olunur.

Aysel Bədəlova

• Tag:
• Şarl Mişel
• Rusiya