Ukraynanın Mədəniyyət və İnformasiya Siyasəti Nazirliyi yanında Strateji Rabitə və İnformasiya Təhlükəsizliyi Mərkəzi Çexiya tərəfindən təhvil verilmiş Mi-24 döyüş helikopterlərindən istifadə edildiyini təsdiqləyib. 

 

Ednews xəbər verir ki, bu barədə Mərkəz öz Twitter səhifəsində məlumat yayıb və helikopterin fotosunu yerləşdirib.

 

“Çexiya tərəfindən təchiz edilmiş Mi-24 hücum helikopterləri Ukrayna Hərbi Hava Qüvvələrində xidmətdədir”, deyə mesajda bildirilir. 

 

Çexiya helikopterlərinin tədarükü ilə bağlı məlumatlar bir neçə ay əvvəl ortaya çıxıb və ABŞ-ın müdafiə naziri Lloyd Austin may ayında bu barədə danışıb.

 

Çexiya tərəfi əvvəllər Kiyevə yardımla bağlı hər hansı digər təfərrüatı dərc etməkdən imtina etmişdi.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary