ABŞ prezidenti Co Bayden ölkəsinin İranın nüvə gücünə çevrilməsinə imkan verməyəcəyini bildirib.
Ednews xəbər verir ki, Ağ Evin məlumatına görə, Prezident Bayden İsrailin baş naziri Yair Lapidlə telefon danışığında ABŞ-ın İranın nüvə silahı əldə etməsinə heç vaxt imkan verməyəcəyi barədə öhdəliyini bir daha xatırladıb.
İki ölkə arasındakı sarsılmaz əlaqələri və dostluğu yüksək qiymətləndirən Bayden, həmçinin İsrail və Livan arasında dəniz sərhədlərinin müəyyənləşməsi üzrə uzunmüddət keçirilən danışıqların yaxın zamanda yekunlaşmasının vacibliyini də vurğulayıb.
Telefon danışığı Qərb dövlətlərinin İranla nüvə sazişi ilə bağlı danışıqlar prosesində müsbət irəliləyişlərin olduğu vaxtda baş tutub.
Qeyd edək ki, ABŞ İranla 2015-ci ildə imzalanan nüvə sazişinin bərqərar olunması ilə bağlı razılığın əldə olunmasına dair nikbin mesaj verib.
Milli Təhlükəsizlik Şurasının sözçüsü Con Kirbi jurnalistlərə bildirib ki, Vaşinqton hələ də nüvə sazişinin yenidən tətbiqinə ümid edir.
“Biz inanırıq ki, tərəflər nüvə sazişi ilə bağlı razılaşmaya daha yaxındır, lakin İran mütləq şəkildə sazişlə əlaqəli olmayan bəzi tələblərdən imtina etməyə hazır olmalıdır,” – deyə Con Kirbi bildirib.
