Birləşmiş Millətlər Təşkilatının nüvə məsələləri üzrə yüksək rütbəli rəsmisi İranla bağlı xəbərdarlıq edib. Onun sözlərinə görə İran istəsə, “bir neçə” nüvə silahı yaratmaq üçün zənginləşdirdiyi “uran” maddəsindən istifadə edə bilər. Lakin Ukraynaya qarşı müharibədə rəsmi Tehranın Rusiyanı silahlandırması və rejimi silkələyən daxili etirazlar onu atom proqramını yenidən məhdudlaşdırmaq məcbiriyyətində buraxıb.
Beynəlxalq Atom Enerjisi Agentliyindən Rafael Mariano Qrossinin bu həftə avropalı qanunvericilərin suallarına cavab olaraq verdiyi xəbərdarlıq İranın nüvə proqramı ilə bağlı risklərin nə qədər yüksək olduğunu göstərir. Ekspertin fikrincə, hətta 2015-ci il nüvə sazişindən əvvəl, prezident Mahmud Əhmədinecatın dövründə, yəni Qərblə İran arasında əvvəlki gərginliyin pik nöqtəsində belə, İran heç vaxt uranı indiki qədər belə zənginləşdirməmişdi.
Bir neçə aydır ki, nüvə silahının yayılmaması üzrə ekspertlər İranda ən azı bir nüvə silahı yaratmaq üçün kifayət qədər zənginləşdirilmiş 60 faiz uranın olduğunu iddia edir. Baxmayaraq ki, Tehran uranla bağlı proqramının dinc məqsədlər üçün olduğunu xeyli əvvəl də israr edirdi, lakin Qrossi Tehranın bu proqramından son dərəcə ehtiyatlı olmağa çağırıb.
“Bu həqiqətdir: Onlar bir neçə nüvə silahı üçün kifayət qədər nüvə materialı toplayıblar, söhbət bir silahdan getmir,” deyə, Qrossi əlavə edib.
Elnur Ənvəroğlu