Türkiyənin Diyarbəkir bölgəsində sərnişin avtobusu qəza törədib.
Ednews Türkiyə KİV-nə istinadən xəbər verir ki, hadisə Diyarbəkir-Şanlıurfa yolunun 36-cı kilometrliyində baş verib.
Belə ki, Diyarbəkirdən İstanbula gedən sərnişin avtobusu qar və buzlanma səbəbindən idarəetmədən çıxaraq dərəyə aşıb.
İlkin məlumata görə, qəza nəticəsində 4-ü ağır olmaqla 30 nəfər yaralanıb. Əraziyə dərhal polis, jandarma, Fövqəladə Halların İdarə Olunması Agentliyinin (AFAD) xilasediciləri cəlb edilib.
Yaralılar təcili tibbi yardım avtomobilləri ilə xəstəxanalara aparılıb.
