Rusiyanın Ukraynanı qeyri-qanuni işğalından əvvəl ötən ilin bu vaxtı ölkənin şərabçılıq sənayesi yenidən inkişaf etməyə başlamışdı.

2014-cü ildə Rusiyanın Krımdakı torpaqları yenidən qeyri-qanuni ilhaq etməsindən sonra Ukrayna üzüm bağlarının demək olar ki, üçdə bir hissəsini itirməli oldu.

Lakin Rusiyanın hücumlarından bəri ölkədə quru şərab istehsalı xeyli artıb. Hər il təxminən 7-9 faiz, təxminən 40,500 hektar üzümdən 100 milyon litrdən çox şərab istehsal olunur.

Keçən fevral ayından bəri Rusiyanın raket zərbələri Ukraynaya yağdırılır, ən dəhşətlisi isə üzüm sahələrində minaların səpilməsidir. Müşahidəçilər hesab edirlər ki, Ukraynanın əkin sahələrinin və üzüm bağlarının 30 faizi minalarla doludur.

Minaların təmizlənməsi ilə məşğul olan “Sülhün Kökləri” qeyri-kommersiya təşkilatının qurucusu Heydi Kün qeyd edir ki, oradakı “minalar uşaq və fermerlərin ayaqlarını güdən gizli qatillərdir”.

“Minalar iyrənc bir şeydir, torpaq altında pusuya yatan xərçəngdir. Yeganə həll yolu çıxarmaqdır. Və bir ölkənin iqtisadiyyatının böyüməsini istəyiriksə, həmin zərərli minaları iqtisadiyyatın yenidən qurulmasına kömək edəcək üzüm bağları, meyvə ağacları və məhsullarla əvəz etməliyik.”.

2000-ci ildə Kuhn Xorvatiyanın mina sahələrinin üzüm bağlarına çevrilməsində mühüm rol oynayıb. Belə ki, səkkiz şərab bölgəsində üzüm bağlarının yenidən qurulmasına kömək edib.

Sülhün Kökləri proqramı Kamboca, Anqola, Bosniya-Herseqovina, Əfqanıstan, Vyetnam, İraq, İsrail və Zimbabvedə də uğurla fəaliyyət göstərib, mina sahələrini əkin sahələri ilə əvəz edib.

Hazırda təşkilat Ukraynada yeni layihəni başlatmağa hazırlaşır. Əgər hər hansısa bir İrlandiyalı şərab həvəskarı kiçik bir şəkildə kömək etmək istəsə, https://rootsofpeace.org/donate-today ünvanından bu qeyri-kommersiya təşkilatına ianə verə bilər.