Azərbaycan Fövqəladə Hallar Nazirliyinin (FHN) 725 nəfərlik heyəti Türkiyədə zəlzələnin fəsadlarının aradan qaldırılmasına cəlb edilib.
Ednews xəbər verir ki, onlardan 41 nəfəri tibbi personaldır.
Həmin şəxslərin bir qrupu Kahramanmaraş şəhərində axtarış-xilasetmə əməliyyatlarında iştirak edir.
Qeyd edək ki, indiyədək Azərbaycan FHN-in xilasediciləri zəlzələdən ciddi zərər görmüş Kahramanmaraş şəhəri ərazisində həyata keçirilən axtarış-xilasetmə əməliyyatları nəticəsində dağıntılar altından 3-ü uşaq olmaqla 16 nəfər sağ, 29 nəfərin isə meyiti çıxarılıb və aidiyyəti üzrə təhvil verilib.
Xatırladaq ki, Türkiyədə zəlzələ nəticəsində ölənlərin sayı 7108-ə yüksəlib. Yararlıların sayı isə 40910-a çatıb.
