Türkiyənin xarici işlər naziri Mövlud Çavuşoğlu BMT-nin Baş katibi Antoniu Quterreşlə görüşüb. Ednews xəbər verir ki, Çavuşoğlu bu barədə özünün “Twitter” hesabında məlumat verib. BMT-nin az inkişaf etmiş ölkələr üzrə konfransında iştirak üçün Qətərə səfər edən Türkiyə XİN başçısı zəlzələdən sonra göstərdiyi dəstəyə görə təşkilata təşəkkür edib: “Əminə xanım Ərdoğanın başlatdığı “Sıfır tullantı” təşəbbüsümüzü, Ukraynadakı durumu və İstanbul taxıl sazişini müzakirə etdik”.