Moda dünyasının unudulmaz simalarından olan, 2019-cu ildə dünyasını dəyişən Karl Lagerfeldin həyatından serial çəkiləcək.
Ednews xəbər verir ki, Fransanın lüks moda brendləri "Chanel" və "Fendi"nin kreativ direktoru kimi tanınan Lagerfeldin dizayner kimi yüksəlişindən bəhs edən serialın çəkilişlərini Disney öhdəsinə götürüb.
6 seriyadan ibarət olacaq serial 1970-ci illərdə Paris moda dünyasında baş verənlərdən və dizaynerin 1972-ci ildə moda nəhəngi Yves Saint Laurentdə yüksəlişindən bəhs edəcək.
Qeyd edək ki, serialda Lagerfeld obrazını alman aktyoru Daniel Brühl canlandıracaq.
