Kiyev, 4 aprel - Minalar və partlamamış hərbi sursatlar nəticəsində həlak olan və ya yaralanan hər 8 mülki vətəndaşdan 1-i uşaqdır, “Save the Children” təşkilatı bu gün Minalarla Mübarizə üzrə Beynəlxalq Yardım Günü qeyd edir. BMT-nin məlumatına görə, keçən ilin fevralında müharibənin qızışmasından bəri Ukraynada müharibə nəticəsində 758 təsdiqlənmiş itki olub ki, onların da təxminən 12%-i uşaqlardır.
Son ay ərzində 126 itki və ya gündə orta hesabla 3 mülki şəxs müharibənin nəticəsində həlak olub və ya yaralanıb.
Müharibə başlamazdan əvvəl Ukrayna artıq dünyanın minalarla ən çox çirklənmiş ölkələrindən biri idi. O vaxtdan bəri çirklənmiş torpaqlar ölkə ərazisinin 30%-ni və ya təxminən 180,00 kvadrat kilometr ərazini, Portuqaliyadan iki dəfə böyük və ya ABŞ-ın Florida ştatına bərabər olan ərazini tutaraq, on dəfə artıb.
Ukraynada uşaqlar minaya basmaq və ya bilməyərəkdən minalara toxunmaları nəticəsində həyatlarını dəyişir, xəsarət və ya ölüm riski ilə üzləşirlər. Martın 29-da Xarkovda 16 yaşlı bir oğlanın avtomobil sürərkən torpaq yolda mina düşərək həyatını itirib.
Eyni hadisə Ukraynalı İhorun ailəsi ilə yerli quyudan su götürmək üçün maşın sürərkən baş verib. Təkərlərdən birinin altında mina partlayıb. Xoşbəxtlikdən ailə sağ qalıb.
İhorun anası Tamara müsahibəsində həmin anlardan danışır.
“Biz su gətirmək üçün quyuya getmişdik. Əraizdən mina tapdıq. Onun haradan gəldiyi bəlli deyil. Hər dəfə çölə çıxanda addımlarına baxırsan. Artıq cığırlarla gəzmək, giləmeyvə və ya göbələk yığmaq mümkün deyil. Ətrafdakı bütün meşələr və tarlalar partlayıcılarla doludur. Buna görə də biz yalnız minadan təmizləyicilərin dəfələrlə yoxladığı yollarla gəzirik”.
Bağlarına düşmüş minaya basdıqdan sonra ayağını itirən 8 yaşlı Veronika da bu problemdən əziyyət çəkənlərdəndir.
“Mən çöldə oynamaqdan və velosiped sürməkdən həzz alıram, amma bunu yalnız valideynlərlə yolda edə bilərəm. Onlar hər zaman yanımda olur və hara getdiyimi izləyirlər”.
Veronikanın anası deyir ki, məmləkətlərinin ətrafındakı hər ev partlayıcıdan təsirlənib.
Uşaqları partlayıcı maddələrin riskləri haqqında maarifləndirmək üçün “Save the Children” minalar haqqında maarifləndirici vərəqlər paylayır və bütün Ukrayna üzrə məktəblərdə maarifləndirmə sessiyaları keçirir.
Ukraynada 10 milyondan çox insan minalardan təmizləmə və zərərçəkənlərə dəstək kimi yardıma ehtiyac duyur.
Save the Children təşkilatının Ukrayna üzrə direktoru Sonia Khuş bunu da qeyd edib ki, minalar uşaq və ya əsgər arasında ayrı-seçkilik yaratmır.
“Onlardan istifadə beynəlxalq hüququ pozur, uşaqlar üçün ciddi təhlükə yaradır və əlavə olaraq humanitar yardımın ən çox ehtiyac duyulan yerə çatdırılmasına mane olur”.
Ayan Rzayeva