Serbiyanın Kiyevə silah tədarük etməyə razı olduğunu göstərən sənədlər aşkarlanıb.
Pentaqonun məxfi sənədinə görə, Avropada Rusiyaya Ukraynanı işğal etdiyinə görə sanksiya tətbiq etməkdən imtina edən yeganə ölkə olan Serbiya, Kiyevə silah tədarük etməyə razılaşıb. Sənədə görə, silahlar artıq Ukraynaya belə göndərilib.
Ednews The Guardian-a istinadən xəbər verir ki, Ukraynanın hərbi təlim və silah tələblərinə Avropa hökumətlərinin cavablarının xülasəsi olan bu sənəd son həftələrdə internetdə yerləşdirilən onlarla məxfi sənədlər arasındadır. Bu da ABŞ sirlərinin son illərdə ən ciddi sızıntısıdır.
Qrafik şəklində “davam edən Rusiya-Ukrayna münaqişəsinə cavab” sənədində Ukraynanın hərbi yardım tələblərinə cavab olaraq 38 Avropa hökumətinin “qiymətləndirilmiş mövqeləri” sadalanır.
Qrafikdə Serbiyanın Ukrayna qüvvələrinə təlim keçməkdən imtina etdiyi, lakin yardım göndərməyi öhdəsinə götürdüyü və ya onu artıq çatdırdığı göstərilib. Həmçinin Serbiyanın gələcəkdə Ukraynanı silahla təmin etmək üçün siyasi iradə və hərbi qabiliyyətə malik olduğu
bildirilib.
Məsələ ilə bağlı Serbiyanın müdafiə naziri Miloş Vuçeviç “Sputnikportal Serbiya”ya müsahibəsində bildirib ki, Serbiya Rusiyaya və Ukraynaya silah satmayıb.
Nazir onu da əlavə edib ki, Belqrad münaqişə zonasının qonşuluğunda yerləşən dövlətlərə də silah satmayacaq:
“İndiyə qədər 10 dəfədən çox bu tip yalanları ifşa etmişik, yenə də edəcəyik. Serbiya nə Ukrayna, nə də Rusiya tərəfinə, eləcə də münaqişə zonasının qonşuluğunda yerləşən dövlətlərə silah satmayıb və satmayacaq”
Əkbər Şəbəndəyev