ÜST bütün dünyanı COVID-19-dan daha pis pandemiyaya hazırlaşmağa çağırıb.
Ednews xəbər verir ki, bu barədə Ümumdünya Səhiyyə Təşkilatının baş direktoru Tedros Adanom Qebreysus Cenevrədə keçirilən ÜST-ün illik Assambleyasında danışıb.
Onun sözlərinə görə, COVID-dən daha təhlükəli pandemiya təhlükəsi istisna oluna bilməz.
"Yeni xəstəlik və ölümə səbəb ola biləcək başqa bir variantın təhlükəsi hələ də qalmaqdadır. Daha da ölümcül potensiala malik yeni patogenin təhlükəsi də var", - ÜST rəhbəri bildirib.
Qebreysus bütün dünyanı gələcəkdə yeni pandemiyaya kollektiv cavab verməyə hazır olmağa çağırıb.