Ukraynanı Zaporojye vilayətindəki Tokmak şəhərinin kaset bombalarından atəşə tutduqlarına görə cavab zərbəsi gözləyir.
Bu barədə Rusiya Federasiyası Təhlükəsizlik Şurasının sədr müavini Dmitri Medvedev xəbərdarlıq edib.
“Tokmakın kaset bombalarına atəşə tutulduğu bildirildi. Bu qeyri-insani silaha qarşı arsenallarımızı üzə çıxarmağın vaxtı çatıb”, - deyə, Medvedev Teleqram kanalında yazıb.
Bu xəbərlə bağlı rusiyalı politoloq, Rusiya Siyasi Araşdırmalar İnstitutunun direktor müavini Darya Qrevtsova Ednews-la söhbətləşərkən fikirlərini bildirib.
D.Medvedevin açıqlamasını şərh edən politoloq aydınlaşdırıb ki, söhbət kaset bombalarından gedir. O, belə bombaların daha çox insanın ölümünə səbəb olduğunu söyləyib.
"Dmitri Medvedev bu çıxışla Ukraynanın kasetli bombalardan istifadəyə simmetrik cavabı nəzərdə tutur. Təbii ki, Rusiya bunu qətiyyən istəmirdi, çünki bu, ərazini onilliklər ərzində çirkləndirən çox təhlükəli və zərərli silahdır. Onilliklər ərzində bu ərazi onlardan təmizlənməlidir, çünki bir bomba bir çox başqa bombalar buraxır və onlar dərhal partlamır. Daha zərərli təsirə səbəb olmaq üçün bu bir müddət ərzində baş verir. Ona görə də, bütün dünyada bu kaset bombalarından istifadə qadağandır”.
Ekspert qeyd edib ki, ABŞ-ın adi silahları tükəndiyi üçün Ukrayna belə bir addım atıb.
“Beləliklə, onlar belə silahlardan istifadə etməyə başlayıblar. ABŞ-ın belə bir bombadan istifadə etməsi müdafiə qabiliyyətinin bir növ deqradasiyasıdır, çünki bu bomba adi döyüş sursatından daha çox insanı öldürür".
Politoloq əlavə edib ki, beynəlxalq təşkilatlar ABŞ-dan asılı olduğu üçün bu vəziyyətə susqunluqlarını qoruyurlar.
"Əslində isə onlar sülh üçün məsuliyyət daşımalıdırlar. Onlar ABŞ-ın nəzarəti və təsiri altında olduqları üçün susacaqlar.
Bu, daha çox insanın, o cümlədən mülki şəxslərin həlak olmasına səbəb olacaq. Bu, bir neçə il ərazini çirkləndirəcək və böyük bir ərazini bu bombalardan təmizləmək ehtiyacı yaranacaq".
Sonda Q.Darya bu silahlardan istifadəni Qərbin zəifliyi adlandırıb.
"Bu cür qadağan olunmuş silahlardan istifadə Qərbin zəifliyini göstərir. Bu, müharibənin gedişatına təsir etməyəcək, çünki Rusiyada da çoxlu kaset bombaları və kifayət qədər sursat var. Bu, ABŞ-ın müvafiq olaraq əks-hücumun üstünlüyünü Ukraynanın xeyrinə etmək üçün istifadə etməyə çalışdığı bir növ ifrat tədbirdir. Ancaq gördüyümüz kimi, əks-hücum davam edir və bu silahların istifadəsi Ukraynaya heç bir xüsusi nəticə verməyəcək, əksinə, gələcək üçün daha çox problemlər yaradacaq".
Nurlana Hacıyeva
