Rebrendinqdən keçən Twitter sosial şəbəkəsi maliyyə mərkəzinə çevriləcək.
Ednews-un verdiyi məlumata görə, bunu MarketWatch portalına platformanın sahibi İlon Mask deyib.
Milyarder yaxın aylarda keçmiş Twitter-in funksionallığının genişləndiriləcəyini bildirib. Şəbəkəyə hərtərəfli məlumat mübadiləsi və maliyyəni idarə etmək imkanı əlavə olunacaq.
"Bu kontekstdə Twitter adının əhəmiyyəti yoxdur", - deyə Mask bildirib. Onun sözlərinə görə, ilkin ad istifadəçilərin 140 simvoldan ibarət mesaj mübadiləsi zamanı məna kəsb edirdi ki, bu da quşların cıvıltısına bənzəyirdi.
Bununla belə, platformanın istifadəçiləri artıq saatlarla davam edən videolar da daxil olmaqla istənilən mesaj formatını yerləşdirə bilərlər. Tezliklə sosial şəbəkədə məqalələr və kitablar dərc etmək də mümkün olacaq.
Rebrendinq çərçivəsində sosial şəbəkə X adını alıb və tvitlər "ikslər" kimi tanınıb. Platformanın loqosu da dəyişib: mavi quş əvəzinə orada X hərfi təsvir olunub. Sahibkarın bir qədər əvvəl dediyi kimi, yeni loqo insanların qeyri-kamilliyinin təcəssümüdür ki, bu da onları unikal edir.
Nurlana
