Gələn il Parisdə keçiriləcək 2024-cü il Yay Olimpiya Oyunlarına görə Sena çayı boyunca köşklərini açan kitab mağazalarından təhlükəsizlik baxımından açılış mərasimi üçün piştaxtalarını yığışdırılması tələb olunub.
Ednews xarici KİV-ə istinadən xəbər verir ki, Avropanın ən böyük açıq səma altında olan kitab bazarını təşkil edən köşklərin 400 illik ənənəni təmsil etdiyini deyən parisli kitab satıcıları qərara reaksiya veriblər. Kitab mağazaları piştaxtaların da şəhərin bir hissəsi olduğunu, turistlərin də onlara baş çəkdiyini iddia ediblər.
Qeyd edək ki, 600 min insanın iştirak edəcəyi gözlənilən 2024-cü il Paris Olimpiya Oyunlarının açılış mərasimi ictimaiyyətə açıq olacaq.
Aynurə İsmayıl
